Andrewes

1ΤΗΣ ΠΡΩΤΗΣ ΗΜΕΡΑΣ.

2ΔΙΑ τὰ σπλάγχνα οἰκτιρμῶν

3τοῦ Θεοῦ ἡμῶν, ἐπεσκέψατο

4ἡμᾶς ἀνατολὴ ἐξ ὕψους.

5Δόξα σοι, Κύριε, δόξα σοι,

6τῷ κτίσαντι φῶς, καὶ φωτίσαντι

7τὴν οἰκουμένην.

8Φῶς ὁρατὸν,

9Ἀκτῖνα ἡλιακὴν, φλόγα πυρὸς,

10Ἡμέραν καὶ νύκτα,

11Ἑσπέραν καὶ πρωΐ.

12Φῶς νοητὸν,

13Γνωστὸν τοῦ Θεοῦ,

14Γραπτὸν τοῦ νόμου,

15Λόγια Προφητῶν,

16Μελωδίαν Ψαλμῶν,

17Νουθεσίαν Παροιμιῶν,

18Ἐμπειρίαν Ἱστοριῶν,

19Φῶς ἀνέσπερον.

20Θεὸς Κύριος, καὶ ἐπέφανεν ἡμῖν,

21Συστήσασθε ἑορτὴν ἐν πυκάζουσιν,

22ἕως τῶν κεράτων τοῦ θυσιαστηρίου.

23Δι’ ἀναστάσεως σου ἐξανάστησον ἡμᾶς

24εἰς καινότητα τῆς ζωῆς,

1Τρόπους ἡμῖν μετανοίας ὑποτιθέμενος.

2Ὁ Θεὸς τῆς εἰρήνης, ὁ ἀναγαγὼν ἐκ νεκρῶν

3Τὸν Ποιμένα τῶν προβάτων τὸν μέγαν,

4Ἐν αἵματι διαθήκης αἰωνίου,

5Τὸν Κύριον ἡμῶν Ἰησοῦν Χριστὸν,

6Καταρτίσαι ἡμᾶς ἐν παντὶ ἔργῳ ἀγαθῷ,

7εἰς το ποιῆσαι τὸ θέλημα αὐτοῦ,

8Ποιῶν ἐν ἡμῖν τὸ εὐάρεστον ἐνώπιον αὐτοῦ,

9Διὰ ΙΗΣΟΥ ΧΡΙΣΤΟΥ,

10ᾧ ἡ δόξα εἰς τοὺς αἰῶνας.

11Ὁ τρισάγιόν σου Πνεῦμα ἐν ἡμέρᾳ ταύτῃ

12ἐπὶ τοὺς μαθητάς σου καταπέμψας,

13Καὶ αὐτὸ, Κύριε, μὴ ἀντανέλῃς ἀφ’ ἡμῶν,

14Ἀλλ’ ἐγκαίνισον ἡμέραν καθ’ ἡμέραν

15ἐν ἡμῖν τοῖς δεομένοις σου.

16ΟΙΚΤΙΡΜΟΝ καὶ ἐλεῆμον Κύριε,

17Μακρόθυμε καὶ πολυέλεε,

18Ἥμαρτον, Ἥμαρτον, Κύριέ, σοι.

19Οἴμοι ταλαίπωρος ἐγὼ ἄνθρωπος,

20Ἥμαρτον, Κύριέ, σοι,

21Πολλὰ καὶ δεινὰ ἥμαρτον,

22Καὶ ταῦτα φυλασσόμενος μάταια καὶ ψευδῆ.

23Οὐ κρύπτω τι· οὐ προφασίζομαι προφάσεις

24τινας.

25Δίδωμί σοι δόξαν, Κύριε, σήμερον.

26Ἐξαγορεύω κατ’ ἐμαυτοῦ τὰς ἁμαρτίας μου.

27Ἀληθῶς ἐγὼ ἥμαρτον ἔναντι Κυρίου,

28Καὶ οὕτω καὶ οὕτως ἐποίησα.

29Ὦ οἷα συνετέλουν, καὶ οὐκ ἄξια

1Ἤτασάς με ὧν ἥμαρτον.

2Καὶ τί ἂν εἴπω νῦν; ἢ ἐν τίνι

3ἀνοίξω τὸ στόμα μου;

4Τί ἂν ἀποκρινοῦμαι, ὅτι αὐτὸς ἐποίησα;

5Ἀπροφάσιστος, ἀναπολόγητος, αὐτοκατάκριτος

6εἰμί.

7Ἡ διαφθορά μου ἐμοί ἐστι παρ’ ἐμοῦ.

8Σοὶ, Κύριε, δικαιοσύνη,

9Καὶ ἐμοὶ αἰσχύνη τοῦ προσώπου.

10Καί συ δίκαιος εἶ

11Ἐπὶ πᾶσι τοῖς ἐρχομένοις ἐπ’ ἐμὲ,

12Ὅτι ἀλήθειαν ἐποίησας,

13Καὶ ἐγὼ ἥμαρτον.

14Καὶ νῦν, τίς ὑπομονή μου;

15Οὐχί συ, Κύριε;

16Ναί· ἡ ὑπόστασίς μου παρὰ σοῦ ἐστίν.

17Εἰ ἔστι μοι σωτηρίας ἐλπὶς,

18Εἰ νικᾷ ἡ φιλανθρωπία σου

19Τὰ πλήθη τῶν ἀνομιῶν μου,

20Μνήσθητι, τίς μου ὑπόστασις,

21Ὅτι ἔργον χειρῶν σου,

22Εἰκὼν προσώπου,

23Μισθὸς αἵματος,

24Ὄνομα ἐξ ὀνόματος,

25Πρόβατον νομῆς σου,

26Υἱὸς διαθήκης.

27Τὰ ἔργα τῶν χειρῶν σου μὴ παρίδῃς.i

28Τὴν εἰκόνα σὴν καὶ ὁμοίωμα

29Ἦ ἐπὶ ματαίῳ ἔκτισας;

30Ἐπὶ ματαίῳ ἐὰν ἀπολῇς.

1Καὶ τίς ἂν ὠφέλεια ἐν τῇ ἀπωλείᾳ μου;

2Ἐπιχαροῦσιν οἱ ἐχθροί σου.

3ὦ μήποτ’ ἐπιχαρῶσι, Κύριε.

4Μὴ χάρισαι τοῖς ἐχθροῖς σου

5τὴν ἀπώλειάν μου.

6Ἐπίβλεψον ἐπὶ πρόσωπον τοῦ Χριστοῦ σου,

7Καὶ ἐν αἵματι διαθήκης σου,

8Ἐν ἱλασμῷ περὶ ἁμαρτιῶν ὅλου τοῦ κόσμου,

9Κύριε, ἱλάσθητί μοι τῷ ἁμαρτωλῷ,

10Ἱλάσθητι δή μοι, Κύριε, τῶν ἁμαρτωλῶν

11Πρώτῳ, πρωτίστῳ καὶ μεγίστῳ.

12Ενεκεν τοῦ ὀνόματός σου καὶ ἱλάσθητι

13Τῇ ἁμαρτίᾳ μου, πολλὴ γάρ ἐστι·

14Πλείστη γάρ ἐστιν ὅση.

15Ἕνεκεν τοῦ ὀνόματός σου ἐκείνου,

16Παρ’ ὃ οὐκ ἔστιν ἕτερόν τι ὑπ’ οὐρανὸν

17Δεδομένον ἐν ἀνθρώποις,

18Ἐν ᾧ δεῖ σωθῆναι ἡμᾶς,

19Συναντιλαμβανομένου αὐτοῦ τοῦ Πνεύματος

20Ταῖς ἀσθενείαις ἡμῶν,

21Καὶ ὑπερεντυγχάνοντος ὑπὲρ ἡμῶν

22στεναγμοῖς ἀνεκλαλήτοις.

23Διὰ Πατέρος σπλάγχνα πατρικὰ,

24Υἱοῦ τραύματα αἱματόεντα,

25Πνεύματος στεναγμοὺς ἀνεκλαλήτους,

26Εἰσάκουσον, Κύριε, ἱλάσθητι, Κύριε,

27Κύριε, πρόσχες, ποίησον, καὶ μὴ χρονίσῃς

28Ἕνεκέν σου,

29Κύριε, Κύριε, ὁ Θεός μου.

30Ἐγὼ δὲ οὐκ ἐπιλανθάνομαι τῶν ἡμαρτημένων μοι·

1Ἐνώπιόν μου εἰσὶ διαπαυτός·

2Ἀναλογίζομαι αὐτὰ ἐν πικρίᾳ τῆς ψυχῆς μου,

3Μεριμνῶ ὑπὲρ αὐτῶν,i

4Ἀποστραφεὶς στενάζω,

5Ἀγανακτῶ,

6Ἐκδικῶ,

7Προσοχθίζω ἐπ’ ἐμαυτὸν,

8Φαυλίζω καὶ ὑπωπιάζω ἐμαυτὸν αὐτός.

9Ὅτι οὐ μᾶλλον, ὅτι οὐ πλέον,

10Μετανοῶ, Κύριε, ὦ Κύριε, μετανοῶ,

11Βοήθει συ τῷ μου ἀμετανοήτῳ,

12Καὶ μᾶλλον ἔτι καὶ μᾶλλον,

13Κατάνυξον, διάρρηξον, σύντριψον

14τὴν καρδίαν μου.

15Καὶ ἄνες, ἄφες, συγχώρησον πάντα

16Τὰ εἰς λυγμόν μοι καὶ σκάνδαλον τῆς καρδίας.

17Ἐκ τῶν κρυφίων μου καθάρισόν με,

18Ἀπὸ τῶν ἀλλοτρίων φεῖσαι τοῦ δούλου σου.

19Θαυμάστωσον τὰ ἐλέη σου

20Ἐπὶ τὸν ἁμαρτωλὸν τὸν πάνυ·

21Καὶ ἐν καιρῷ εἰπέ μοι, Κύριε,

22Θάρσει, { Ἀφέωνταί σοι αἱ ἁμαρτίαι σου.

23{ Ἀρκεῖ σοι ἡ χάρις μου.

24Εἰπὲ τῇ ψυχῇ μου, Σωτηρία σου ἐγώ.

25Ἵνα τί περίλυπος εἶ, ἡ ψυχή μου,

26Καὶ ἵνα τί συνταράσσεις με;

27Ἐπίστρεψον, ψυχή μου, εἰς τὴν ἀνάπαυσίν σου,

28Ὅτι ὁ Κύριος εὐεργετήσει σε.

29Κύριε, μὴ τῷ θυμῷ σου ἐλέγξῃς με,

1Μηδὲ τῇ ὀργῇ σου παιδεύσῃς με.

2Εἶπα, Ἐξαγορεύσω κατ’ ἐμοῦ τὴν

3ἀνομίαν μου τῷ Κυρίῳ,

4Καὶ σὺ ἀφῆκας τὴν ἀσέβειαν τῆς καρδίας μου.

5Κύριε, ἐναντίον σου πᾶσα ἡ ἐπιθυμία μου,

6Καὶ ὁ στεναγμός μου ἀπὸ σοῦ οὐκ ἀπεκρύβη·

7Ἐλέησόν με, ὁ Θεὸς, κατὰ τὸ μέγα ἔλεός

8σου,

9Καὶ κατὰ τὸ πλῆθος τῶν οἰκτιρμῶν σου

10Ἐξάλειψον τὸ ἀνόμημά μου.

11Σὺ ἀναστὰς οἰκτειρήσεις με, ὦ Κύριε,

12Ὅτι καιρὸς τοῦ οἰκτειρῆσαί με,

13Ὅτι ἥκει καιρός.

14Ἐὰν ἀνομίας παρατηρήσῃς, Κύριε,

15Κύριε, τίς ὑποστήσεται;

16Μὴ εἰσέλθῃς εἰς κρίσιν μετὰ τοῦ δούλου σου,

17Ὅτι οὐ δικαιωθήσεται ἐνώπιόν σου πᾶς ζῶν.

18ΑΙΡΩ τὰς χεῖράς μου

19Πρὸς τὰς ἐντολάς σου, ἃς ἠγάπησα.

20Ἀποκάλυψον τοὺς ὀφθαλμούς μου, καὶ κατανοήσω,

21Κλῖνον τὴν καρδίαν μου, καὶ ἐπιποθήσω,

22Κατάρτισον τὰ διαβήματά μου, καὶ περιπατήσω

23Ἐν τῇ τρίβῳ τῶν ἐντολῶν σου.

24Κύριε ὁ Θεὸς, ἴσθι σύ μοι Θεὸς,

25Παρεκτὸς δέ σου μὴ ἔστω μοι ἄλλος,

26Μηδεὶς ἄλλος, μηδὲν ἄλλο σὺν σοίγε.

27Χάρισαί μοι προσκυνεῖν σε καὶ λατρεύειν σοι

28Ἐν ἀληθείᾳ πνεύματος,

1Ἐν εὐπρεπείᾳ σώματος,

2Ἐν εὐλογίᾳ στόματος,

3Ἰδίᾳ τε καὶ δημοσίᾳ·

4Καὶ ἀποδοῦναι τιμὴν τοῖς ἡγουμένοις, { πείθεσθαι / ὑπείκειν } αὐτοῖς,

5Στοργὴν τοῖς ἰδίοις, { ἐπιμελεῖν / προνοεῖν } αὐτοῖς·

6Νικᾶν ἐν τῷ ἀγαθῷ τὸ κακὸν,

7Κτᾶσθαι τὸ σκεῦός μου ἐν ἁγιασμῷ καὶ τιμῇ·

8Ἀφιλάργυρον εἶναι τὸν τρόπον, ἀρκούμενον τοῖς παροῦσι.

9Ἀληθεύειν ἐν ἀγάπῃ·

10Ἐπιποθεῖν τοῦ μὴ ἐπιθυμεῖν,

11τοῦ μὴ ἐπιθυμεῖν ἐν πάθει,

12τοῦ μὴ πορεύεσθαι ὀπίσω τῶν ἐπιθυμιῶν·

14ΤΗΝ κεφαλὴν τοῦ ὄφεως συντρίψαι,

15Μεμνῆσθαι τῶν ἐσχάτων,

16Ἐκκόψαι τὰς ἀφορμὰς,

17Νήφειν,

18Ἀργὸν μὴ καθίζεσθαι,

19Παραιτεῖσθαι τοὺς πονηροὺς,

20Κολλᾶσθαι τοῖς ἀγαθοῖς.

21Διαθήκην περὶ τοὺς ὀφθαλμοὺς θέσθαι,

22Δουλαγωγεῖν τὸ σῶμα,

23Σχολάζειν τῇ προσευχῇ,

24Χωρῆσαι εἰς μετάνοιαν.

25Ἐν ἀκάνθαις φράξον μοι τὴν ὁδὸν,

1Τοῦ μὴ εὑρεῖν με τὴν τρίβον

2τοῦ διώκειν τὰ μάταια.

3Ἐν κημῷ καὶ χαλινῷ τὰς σιαγόνας ἄγξον μου

4τοῦ μὴ ἐγγίζοντος πρὸς σέ.

5Ὦ Κύριε, ἀνάγκασον εἰσελθεῖν εἴς σε.

6ΠΙΣΤΕΥΩ, ΚΥΡΙΕ,

7Εἰς σὲ { Πατέρα, / Λόγον, / Πνεῦμα, } ἕνα Θεόν.

8ά. Ὑπὸ τῆς στοργῆς καὶ δυνάμεως σῆς

9ἐκτίσθαι τὸ πᾶν.

10β´. Ὑπὸ τῆς χρηστότητος καὶ φιλανθρωπίας σου

11ἀνακεφαλαιῶσθαι τὸ πᾶν

12ἐν τῷ Λόγῳ σου·

13Ὅς, δι’ ἡμᾶς ἀνθρώπους, διά τε τὴν σωτηρίαν ἡμῶν,

14σὰρξ ἐγένετο,

15συνελήφθη, | ἐτέχθη,

16ἔπαθε, | ἐσταυρώθη,

17ἔθανε, | ἐτάφη,

18κατέβη, | ἀνέστη,

19ἀνέβη, | ἐκάθισε,

20παλινοστήσει, | μισθαποδώσει.

21γ´. Ὑπὸ τῆς ἐπιφαύσεως καὶ ἐνεργείας

22τοῦ Πνεύματός σου τοῦ ἁγίου,

23ἐκκεκλῆσθαι ἐκ τοῦ καθ’ ὅλου

24λαὸν περιούσιον εἰς πολίτευμα,

1κατὰ { πίστιν ἀληθείας, / καὶ / ἁγιωσύνην ἀναστροφῆς, }

2ἐν ᾧ μετέχειν ἡμᾶς

3Τῆς κοινωνίας τῶν ἁγίων καὶ τῆς ἀφέσεως τῶν ἁμαρτιῶν

4ἐν τῷ παρόντι,

5ἐν ᾧ προσδοκᾶν ἡμᾶς

6Σαρκὸς ἀνάστασιν, καὶ ζωὴν αἰώνιον

7ἐν τῷ μέλλοντι.

8Ταύτην τὴν ἁγιωτάτην Πίστιν,

9τὴν ἅπαξ παραδοθεῖσαν τοῖς ἁγίοις,

10πιστεύω, Κύριε,

11Βοήθει συ τῇ μου ἀπιστίᾳ,

12Πρόσθες συ τῇ μου ὀλιγοπιστίᾳ·

13Κἀμοὶ χάρισαι

14τὸν Πατέρα ἀγαπᾶν τῆς στοργῆς,

15τὸν Παντοκράτορα εὐλαβεῖσθαι τῆς δυνάμεως,

16Αὐτῷ ὡς κτιστῇ πιστῷ παρατίθεσθαι τὴν ψυχὴν

17ἐν εὐποιΐᾳ.

18ἐκ { τοῦ Ἰησοῦ, | Σωτηρίας / τοῦ Χριστοῦ | Χρίσματος / μονογενοῦς Υἱοῦ, | Υἱοθεσίας } μετέχειν.

19Τὸν Κύριον θεραπεύειν,

20Ἀντὶ τῆς συλλήψεως | ἐν πίστει,

21γεννήσεως, | ταπεινοφροσύνῃ,

22τῶν παθημάτων | ὑπομονῇ τε καὶ ἀντιπαθείᾳ

23| τοῖς περὶ ἁμαρτίαν,

24τοῦ σταυροῦ | σταυρῶσαι τὰς ἀφορμὰς,

1τοῦ θανάτου | νεκρῶσαι τὴν σάρκα,

2τῆς ταφῆς | θάπτειν δι’ ἔργων ἀγαθῶν τὰ

3| πονηρὰ διαβούλια,

4τῆς καταβάσεως | μελετᾶν τὰ εἰς ᾅδου,

5τῆς ἀναστάσεως | καινότητα τῆς ζωῆς,

6ἀναβάσεως | τὰ ἄνω φρονεῖν,

7καθέδρας | τὰ κρείττω ἐκ δεξιῶν,

8παλινοστήσεως | τὸν φόβον τῆς παρουσίας δευτέρας,

9κρίσεως | τῷ κρίνειν ἐμαυτὸν πρὸ τοῦ

10| κρίνεσθαί με.

11Ἀπὸ τοῦ Πνεύματος,

12τὴν πνοὴν λαβεῖν τῆς χάριτος σωτηρίου,

13ἐν { ἐκκλησίᾳ | κλήσεως / ἁγίᾳ | ἁγιασμοῦ / καθολικῇ | μερισμοῦ } μετέχειν,

14καὶ κοινωνίας

15τῶν { ἁγιασμάτων, | προσευχῶν, / νηστειῶν, | στεναγμῶν, / ἀγρυπνιῶν, | δακρύων, }

16Κακοπαθημάτων·

17εἰς πεποίθησιν ἀφέσεως ἁμαρτιῶν,

18εἰς ἐλπίδα { ἀναστάσεως / μεταστάσεως } εἰς ζωὴν αἰώνιον.

19Ὦ ἡ ἐλπὶς πάντων περάτων τῆς γῆς,

20καὶ τῶν ἐν θαλάττῃ μακράν·

1ὦ ἐφ’ ᾧ ἤλπισαν οἱ πατέρες ἡμῶν,

2καὶ ἐρρύσω αὐτούς·

3ὃν ὑπέμειναν,

4καὶ οὐ κατῃσχύνθησαν.

5ὦ ἡ ἐλπίς μου ἐκ νεότητος,

6ἀπὸ μαστῶν τῆς μητέρος,

7εἰς ὃν ἀπερρίφθην ἐκ μήτρας,

8ἴσθι συ ἐλπίς μου

9ἔτι καὶ ἔτι,

10καὶ μερίς μου ἐν γῇ ζώντων.

11Ἐν φύσει σου,

12ἐν { ὀνόμασι, / τύποις, / λόγῳ, / πράξει, }

13ἡ ἐλπίς μου.

14μὴ καταισχύνῃς με

15ἀπὸ τῆς προσδοκίας

16μου ταύτης.

17Ὦ ἡ ἐλπὶς πάντων περάτων τῆς γῆς,

18Μνήσθητι τῆς κτίσεώς σου ἁπάσης εἰς ἀγαθόν·i

19Ἐπίσκεψαι τὸν κόσμον ἐν οἰκτιρμοῖς σου.

20Ὦ φύλαξ ἀνθρώπων,

21ὦ Δέσποτα φιλάνθρωπε·

22Μνήσθητι παντὸς τοῦ γένους ἡμῶν·

23καὶ ὃς συνέκλεισας πάντας εἰς ἀπείθειαν,

24πάντας ἐλέησον, ὦ Κύριε.

25Ὦ εἰς τοῦτο ἀποθανὼν καὶ ἀναζήσας,

1ἵνα καὶ νεκρῶν καὶ ζώντων κυριεύσῃς,

2ἐάν τε ζῶμεν, ἐάν τε καὶ ἀποθνήσκωμεν,

3Κύριος ἡμῶν συ.

4Ζῶντας καὶ θανόντας ἐλέησον, ὦ Κύριε.

5Ὦ βοηθὲ τῶν ἀβοηθήτων,

6ἀντιλήπτορ ἐν εὐκαιρίᾳ, ἐν θλίψει,

7Μνήσθητι πάντων ἐν ἀνάγκῃ ὄντων,

8καὶ τῆς σῆς βοηθείας δεομένων.

9Ὁ Θεὸς χάριτος καὶ ἀληθείας,

10Στήριξον πάντας ἐν ἀληθείᾳ

11καὶ χάριτι ἱστάντας.

12Κατάρτισον πάντας περὶ αἱρέσεις καὶ ἁμαρτίας νοσοῦντας.

13Ὦ ὑπερασπιστὰ τῶν σωτηρίων

14τοῦ Χριστοῦ σου,

15Μνήσθητι τῆς συναγωγῆς σου,

16ἧς ἐκτήσω καὶ ἐλυτρώσωi

17ἀπ’ ἀρχῆς.

18Ὦ γενέσθω τῶν πιστευόντων

19ἡ καρδία καὶ ἡ ψυχὴ μία.

20Ὁ περιπατῶν ἐν μέσῳ

21λυχνιῶν χρυσῶν,

22Μὴ κινήσῃς τὴν λυχνίαν ἡμετέραν

23ἐκ τόπου αὐτῆς.

24Επιδιόρθωσον τὰ λείποντα,

25Ἐπιστήριξον τὰ λοιπὰ,

26ἃ ἔμελλες ἀποβαλεῖν,

27ἃ μέλλει ἀποθανεῖν.

1Ὦ Κύριε θερισμοῦ

2Ἔκβαλλε τοὺς ἐργάτας

3ἱκανωθέντας παρὰ σοῦ

4εἰς τὸν θερισμόν σου·

5Ὁ κλῆρος τῶν προσεδρευόντων τῷ ναῷ σου,

6Χάρισαι τῷ Κλήρῳ ἡμῶν

7ὀρθοτομεῖν τὸν λόγον ἀληθείας, καὶ

8ὀρθοποδεῖν ἐν αὐτῷ.

9Χάρισαι τῷ φιλοχρίστῳ λαῷ

10πείθεσθαι καὶ ὑπείκειν αὐτοῖς.

11Ὦ βασιλεῦ τῶν ἐθνῶν,

12εἰς τὰ πέρατα τῆς γῆς,

13Κράτυνον πάντα τὰ πολιτεύματα

14ὅλης τῆς οἰκουμένης,

15ὡς διαταγὴν σὴν,

16εἰ καὶ τὴν ἀνθρωπίνην κτίσιν.

17Διασκόρπισον τὰ ἔθνη

18Τὰ τοὺς πολέμους θέλοντα·

19Ἀντάνελε τοὺς πολέμους μέχρι τῶν

20περάτων τῆς γῆς.

21Ἡ ὑπομονὴ τῶν νήσων, Κύριε, καὶ

22ἐλπὶς αὐτῶν,

23Ῥῦσαι τὴν νῆσον ταύτην,

24καὶ πᾶσαν τὴν χώραν ἐν ᾗ παροικοῦμεν,

25ἀπὸ πάσης θλίψεως, κινδύνου,

26καὶ ἀνάγκης.

27Κύριε κυρίων, ἄρχον ἀρχόντων,

1Μνήσθητι ἀρχόντων πάντων,

2οὓς ἐδικαίωσας ἄρχειν ἐπὶ τῆς γῆς.

3Καὶ ὦ ἐν πρώτοις μνήσθητι

4του θεοφυλάκτου Βασιλέως ἡμῶν,

5Καὶ ἐπὶ πλέον συνέργησον αὐτῷ,

6καὶ εὐόδωσον αὐτὸν ἐν ἅπασι·

7Λάλησον εἰς καρδίαν αὐτοῦ ἀγαθὰ,

8ὑπὲρ τῆς ἐκκλησίας σου,

9καὶ παντὸς τοῦ λαοῦ·

10Χάρισαι αὐτῷ βαθεῖαν

11καὶ ἀναφαίρετον εἰρήνην·

12Ἵνα ἐν τῇ γαλήνῃ αὐτοῦ

13ἤρεμον καὶ ἡσύχιον βίον διάγωμεν,

14μετὰ πάσης εὐσεβείας καὶ σεμνότητος.

15Ὦ παρ’ οὗ τεταγμέναι εἰσὶν αἱ ἐξουσίαι,

16Χάρισαι τοῖς ἐν Παλατίῳ διαφέρουσι,

17ἐπ’ ἀρετῇ τε καὶ φόβῳ σου διαφέρειν·

18Τῷ βουλευτηρίῳ, τὴν ἁγίαν σου φρόνησιν·

19Τοῖς δυνάσταις ἡμῶν, τὸ μὴ δύνασθαί τι κατὰ,

20ἀλλ’ ὑπὲρ τῆς ἀληθείας·

21Τῷ δικαστηρίῳ τὰ κρίματά σου,

22τὸ κρίνειν ἐν πᾶσι πάντας,

23ἄνευ προκρίματος, καὶ προσκλίσεως.

24Ὁ ΘΕΟΣ Σαβαὼθ (τῶν στρατιῶν δηλαδὴ)

25εὐόδωσον καὶ ’νίσχυσον πάντα

26τὸν φιλόχριστον στρατὸν κατὰ τῶν ἐχθρῶν

27τῆς ἁγιωτάτης ἡμῶν πίστεως.

28Χάρισαι τοῖς λαοῖς ἐν ἡμῖν

1ὑποτάσσεσθαι τῇ ἀρχῇ,

2οὐ μόνον διὰ τὴν ὀργὴν,

3ἀλλὰ καὶ διὰ τὴν συνείδησιν.

4ΤΟΙΣ γεωργοῖς καὶ ζωοφόρβοις, εὐετηρίαν,

5τῷ στόλῳ καὶ ἁλιεῦσιν, εὐπλοΐαν·

6τῇ καπηλικῇ, μὴ ὑπερβαίνειν ἀλλήλους,

7τῇ μηχανικῇ, νομίμως ἐργάζεσθαι

8τὰς ἐργασίας αὐτῶν·

9Καὶ μὲν καὶ μέχρι τῶν βαναύσων,

10καὶ μὲν καὶ μέχρι τῶν πτωχῶν.

11Ὁ ΘΕΟΣ οὐχ ἡμῶν μόνον,

12ἀλλὰ καὶ σπέρματος ἡμετέρου·

13Εὐλόγησον τὰ παιδία ἡμῶν ἐν ἡμῖν,

14ὥστε προκόψαι αὐτὰ ἐν σοφίᾳ,

15ὡς καὶ ἡλικίᾳ καὶ ἐν χάριτι

16παρὰ σοί τε καὶ ἀνθρώποις.

17Ὁ θέλων τῶν ἰδίων πρόνοιαν ἔχειν ἡμᾶς,

18καὶ μισῶν ἀστόργους,

19Μνήσθητι, Κύριε, τῶν μοι

20κατὰ σάρκα συγγενῶν.

21Δὸς ἐμοὶ λαλεῖν εἰρήνην περὶ αὐτῶν,

22καὶ ἐκζητεῖν ἀγαθὰ αὐτοῖς.

23Ὁ βουλόμενος ἀνταμεῖψαι

24ἡμᾶς τοῖς ἀγαθοποιοῦσι,

25Μνήσθητι, Κύριε, εἰς ἀγαθὸν πάντων

26ὑφ’ ὧν εὐπέπονθα·

1Ζῆσον αὐτοὺς καὶ μακάρισον ἐν τῇ γῇ,

2καὶ μήποτε παραδῷς αὐτοὺς

3εἰς θέλημα ἐχθρῶν.

4Ὁ τῶν οἰκείων ἀμελοῦντα

5ἀπίστου χείρονα γράψας,

6Μνήσθητι ἐν εὐδοκίᾳ σου πάντων

7ἐν οἰκονομίᾳ μου.

8Εἰρήνη τῷ οἴκῳ ἐμῷ,

9Υἱὸς εἰρήνης ἐπὶ πᾶσιν ἐν αὐτῷ.

10Ὁ θέλων περισσεύειν δικαιοσύνην ἡμῶν

11πλεῖον τῶν ἁμαρτωλῶν,

12Ἀνταγαπᾶν τοὺς ἀγαπῶντας ἐμὲ

13δὸς ἐμοὶ, Κύριε·

14Τοὺς φίλους ἐμοὺς καὶ πατρῴους,

15καὶ τῶν φίλων παῖδας οὐδέποτε ἐγκαταλεῖψαι.

16Ὁ θέλων ἡμᾶς νικᾶν ἐν τῷ ἀγαθῷ τὸ κακὸν,

17καὶ προσεύχεσθαι ὑπὲρ τῶν ἐπηρεαζόντων ἡμᾶς,

18Ἐλέησον τοὺς ἔχθρους μου, Κύριε,

19ὡς καὶ ἐμαυτὸν,

20καὶ προσάγαγε εἰς τὴν ἐπουράνιόν

21σου βασιλείαν, ὡς καὶ ἐμέ.

22Ὁ χαρισάμενος ταῖς προσευχαῖς τῶν δούλων σου

23ὑπὲρ ἀλλήλων,

24Μνήσθητι, Κύριε, εἰς ἀγαθὸν,

25καὶ δῴης ἔλεος πᾶσι τοῖς ἐμὲ διὰ μνήμης ἔχουσιν,

26ἐν ταῖς προσευχαῖς αὐτῶν·

1καὶ πᾶσιν οἷς ἐπηγγειλάμην διὰ μνήμης ἔχειν

2ἐν προσευχαῖς μου.

3Ὁ προθυμίαν ἐν παντὶ ἔργῳ ἀγαθῷ

4εὐπρόσδεκτον ἡγούμενος,

5τῶν δι’ εὐλόγους αἰτίας τῇ προσευχῇ

6μὴ σχολαζόντων,

7Μνήσθητι, Κύριε, ὡς καὶ προσευχομένων σοι.

8ΣΥ ἀναστὰς οἰκτειρήσεις τοὺς ἐν ἐσχάτῃ ἀνάγκῃ

9ὄντας,

10Ὅτι καιρὸς τοῦ οἰκτειρῆσαι αὐτοὺς,

11ὅτι ἥκει καιρός.

12Οἰκτειρήσεις δὲ, Κύριε,

13ὡς καὶ ἐμὲ ἐν ἐσχάτοις ὄντα.

14Μνήσθητι, Κύριε,

15τῶν { Νηπίων, / Παίδων, / Ἐφήβων, / Νέων, / Ἀνδρῶν, / Γερόντων· }

16τῶν { Πεινώντων, / Διψάντων, / Γυμνῶν, / Νοσούντων, / Δεσμωτῶν, / Ξένων, ἀξένων, / Ἀθάπτων, }

17Τῶν ἐν ἐσχάτῃ γήρᾳ

18καὶ ἀδυναμίᾳ ὄντων,

19Ἐνεργουμένων εἰς τὸ ἑαυτοκτονεῖν,

20Ὀχλουμένων ὑπὸ πνευμάτων ἀκαθάρτων,

21Τῶν ἀπηλπισμένων,

22Ψυχὴν νοσούντων ἢ σῶμα,

23Ὀλιγοψύχων,

1Τῶν ἐν φυλακαῖς καὶ δεσμοῖς,

2Τῶν τεθανατωμένων,

3Ὀρφανῶν,

4Χηρῶν,

5Ξένων,

6Ὁδοιπορούντων,

7Πλεόντων,

8Ἐγκύων,

9Θηλαζουσῶν,

10Τῶν ἐν πικραῖς { Δουλείαις, / Μετάλλοις, / Τριήρεσι, }

11Τῶν ἐν ἐρημίᾳ.

12Ἀνθρώπους καὶ κτήνη σώσεις, Κύριε.

13Ὡς ἐπλήθυνας τὸ ἔλεός σου ὁ Θεός·

14Καὶ ἄρα οἱ υἱοὶ τῶν ἀνθρώπων ἐν σκέπῃ

15Τῶν πτερύγων σου ἐλπιοῦσιν.

16Εὐλογήσαι ἡμᾶς Κύριος,

17καὶ φυλάξαι ἡμᾶς.

18Ἐπιφάναι Κύριος τὸ πρόσωπον αὐτοῦ ἐφ’ ἡμᾶς,

19καὶ ἐλεήσαι ἡμᾶς.

20Ἐπάραι Κύριος τὸ πρόσωπον αὐτοῦ,

21καὶ δῴη ἡμῖν εἰρήνην.

22ΣΥΝΙΣΤΩ σοι, Κύριε,

23{ τὴν ψυχὴν, / τὸν νοῦν, / τὰς προσευχὰς, / τὰ αἰσθητήρια, / τὴν ζωήν μου, } καὶ { τὸ σῶμα, / τὰς ἐννοίας, / εὐχὰς πάσας, / τὰ μέλη, / θάνατόν μου· }

1Τοὺς ἀδελφοὺς καὶ ἀδελφίδας,

2καὶ τοὺς παῖδας αὐτῶν,

3τοὺς φίλους, καὶ εὖ δράσαντας,

4τοὺς συνιστωμένους,

5τοὺς οἰκείους, γείτονας,

6τὴν πατρίδα, καὶ λαὸν Χριστιανὸν

7ἅπαντα.

8ΑΝΩ καρδίας σχῶμεν εἰς τὸν Κύριον

9ὡς ἀληθῶς ἄξιόν ἐστι καὶ δίκαιον,

10πρέπον τε καὶ ὀφειλόμενον,

11ἐν πᾶσι καὶ διὰ πάντα,

12ἐν παντὶ χρόνῳ, τόπῳ, τρόπῳ,

13ὥρᾳ καὶ χώρᾳ

14πάντοτε, πανταχοῦ, πάντως,

15Σοῦ ἀναμνῆσαι, | Σὲ προσκυνῆσαι,

16Σοὶ ὁμολογῆσαι, | Σὲ ἐπαινέσαι,

17Σὲ εὐλογῆσαι, | Σὲ ἀνυμνῆσαι,

18Σοὶ εὐχαριστῆσαι,

19Τῷ πάντων ὄντων κτιστῇ, θρεπτῇ,

20φύλακι, κυβερνήτῃ, θεραπευτῇ,

21ἐνεργέτῃ, τελειωτῇ,

22δεσπότῃ καὶ Πατρὶ,

23Βασιλεῖ καὶ Θεῷ,

24Τῇ πηγῇ τῆς ζωῆς καὶ ἀθανασίας,

25τῷ θησαυρῷ τῶν αἰωνίων ἀγαθῶν.

26Ὃν ὑμνοῦσιν οἱ οὐρανοὶ,

27καὶ οἱ οὐρανοὶ τῶν οὐρανῶν,

28Οἱ ἄγγελοι, καὶ πᾶσαι αἱ δυνάμεις ἐπουράνιοι,

29ἀδιαλείπτως ἑτέραι πρὸς ἑτέραν κραυγάζουσαι,

1(ἡμεῖς τε ταπεινοὶ, καὶ ἀνάξιοι

2ὑπὸ τοὺς πόδας αὐτῶν

3σὺν αὐτοῖς)

4Ἅγιος, ἅγιος, ἅγιος,

5Κύριος, ὁ Θεὸς Σαβαὼθ,

6πλήρης πᾶς ὁ οὐρανὸς,

7πᾶσά τε ἡ γῆ

8τῆς μεγαλωσύνης τῆς δόξης σου.

9Εὐλογημένη ἡ δόξα τοῦ Κυρίου

10ἐκ τοῦ τόπου αὐτοῦ,

11Ὑπὲρ { τῆς Θεότητος, / ἀκαταλήπτου, / ὕψους, / κυριότητος, / παντοδυναμίας, / ἀϊδιότητος, / προνοίας. }

12Ὁ Θεὸς { ἰσχὺς, / στερέωμα, / καταφυγὴ, / ῥύστης, / βοηθὸς, / ὑπερασπιστὴς, / κέρας σωτηρίας, / ἀντιλήπτωρ. }